ولایتي خبرونه: (بلخ، سمنګان) د بلخ ولایت د زندان رئیس او د دې ولایت راه سعادت خصوصې پوهنتون د رئیس ترمنځ هوکړه لیک لاسلیک شو.
د یاد هوکړه لیک پر بنسټ به هر هغه محصل چې د بلخ ولایت د زندان له ریاست لخوا ورپیژندل کیږې، یاد پوهنتون لخوا به د سمسټرونو د فیس په برخه کې تخفیف ورکول کیږي.
همداراز، د یاد ولایت د زندان رئیس محترم مولوي کمال الدین "زاهد" د نوموړي پوهنتون له رئیس څخه د مننې ترڅنګ وویل؛ عصری علوم د نن عصر یوه اړینه اړتیا بلل کیږې او له عصری علوم پرته یو هېواد نه شي کولی خپل پرمختګ ته دوام ورکړي.
نوموړي د یاد پوهنتون له رئیس څخه غوښتنه وکړله، چې د خپل هېواد د راتلونکي نسل لپاره د عصري او اسلامي زده کړو فرصتونه لا پیاوړي کړي.
داراز، د یاد پوهنتون رئیس دا کړنه خپله فرضي او دیني وجیبه وګڼله او ژمنه یې وکړله، چې د بلخ ولایت زندان سره په نورو برخو کې هم همکاري وکړي.
سمنګان:
د سمنګان ولایت په زندان کې د چاپېریال د پاکوالي او د ناروغیو د مخنیوي په موخه د زندان انګړ، شنې سیمې او د استوګنې خونې دواپاشي شوې.
د زندان مسوولینو په خبره، د دغو کړنو موخه د موسمي ناروغیو، حشراتو او مکروبونو د خپرېدو د مخنیوي او د زندانیانو او کارکوونکو لپاره یو سالم او پاک چاپېریال برابرول دي.
دوی زیاته کړله، چې د حفظ الصحې اړوند دا ډول پروګرامونه به دوام ولري، څو د زندان دننه روغتیايي وضعیت ښه او د ناروغیو خطر تر ډېره کم شي.
بل لور ته بیا، یو شمېر زندانیانو هم د دغه اقدام هرکلی وکړ او دا یې د خپل ژوند د شرایطو د ښه والي لپاره مهم ګام وباله.
ذوالقعده ۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
