د پروان، پکتیکا، میدان وردګ، غزني، پنجشیر او لغمان ولایتونو د زندانونو څخه (۸۳۹) تنه نارینه، ښځینه محبوسین او محجوزین له عفوې او تخفیفه برخمن شول
ولایتي خبرونه: (پروان، پکتیکا، میدان وردګ، غزني، پنجشیر، لغمان)
د سترې محکمې د عالي مقام په هدایت او د اړوندو اورګانونو په ګډون د ټاکل شوي پلاوي له خوا د یادو ولایتونو د زندانونو د محبوسینو د نسبتي دوسیو تر کره څېړنې وروسته د پروان، پکتیکا، میدان وردګ، غزني، پنجشیر او لغمان ولایتونو له زندانونو څخه د ښځینه او نارینه محبوسینو او محجوزینو په شمول (۳۴۴) تنو د حبس او حجز پاتې مودې عفو او خوشې شول او د (۴۹۵) تنو نورو د حبس په موده کې تخفیف یا کموالی راغی.
د یادونې وړ بولو، چې تر راتلونکو څو ورځو پورې به د هېواد په ټولو زندانونو کې هم دغه بهیر پیل او عملي شي.
رمضان المبارک ۱۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
