د زندانونو چارو د سمون ادارې او د مخابراتو او معلوماتي تکنالوژۍ وزارت د استازو ترمنځ د یادې ادارې د چارو او د زندانیانو معلوماتي سیستم په اړه ناسته ترسره شوه
په ناسته کې، د زندانونو چارو د سمون ادارې د مقام دفتر رئیس محترم قاري رحمت الله "ګلزاد" او د نوموړې ادارې یو شمېر رئیسانو هم شتون درلود، د مخابراتو او معلوماتي تکنالوژۍ وزارت له استازو سره په ګډه همکارۍ د زندانیانو اړوند معلوماتي سیستم په اړه بحث او خبرې اترې وشوې.
د مسوولینو په وینا؛ یاد معلوماتي سیستم کې به د زندانیانو د منلو، د محاکمو څرنګوالي، د هغوی د جرم بڼې او د هغوي ټول اړوند معلومات به ثبت او ولیکل شي چې په دې سره به د خدماتو کیفیت لوړ او د مراجعینو ستونزې به ژر حل شي.
په پای کې، د مخابراتو او معلوماتي تکنالوژۍ وزارت څخه راغلو استازو له خوا د یاد معلوماتي سیستم په جوړولو کې د همکارۍ ډاډ ورکړل شو.
رمضان المبارک ۰۷/ ۱۴۴۷
د مقام د دفتر ریاست
د اطلاعاتو او عامه اړیکو امریت
