ولایتي خبرونه: (غزني، هرات، بادغیس) د غزني ولایت د زندان کارکوونکو ته د ظرفیت لوړونې په موخه یوه ورځینی سیمنار ترسره شو
دغه سیمنار، چې د یاد ولایت زندان د مسوولینو په همغږی د اداري اصلاحاتو او ملکي خدموتونو امریت له لورې د زندان کارکوونکو ته د ظرفیت لوړونې په موخه جوړ شوی وو، ګډونوالو ته د ارزیابۍ فورمونو، پلان او راپور جوړونې په اړه هر اړخېز معلومات ورکړل شول.
همدا شان، د دې لایت د زندان رئیس محترم ملا محمد نور "بلال شاهین" دا ډول پروګرامونه د کارکوونکو د ظرفیت لوړونې په برخه کې غوره وباله او ګډونوال یې وهڅول څو په خپلو اداري چارو کې ترې ګټه پورته کړي.
هرات:
د هرات ولایت د زندان پرسونل او زندانیانو ترمنځ د والیبال دوستانه سیالۍ ترسره شوې
د دغه ولایت د زندان مسوولین زیاتوي، تېره ورځ په یاد زندان کې د ورزش مینه والو زندانیانو ترمنځ د والیبال دوستانه سیالۍ چې دوه میاشتې یې دوام درلود، د لمړي بلاک اتلولۍ سره پای ته ورسېده.
د نوموړي زندان رئیس محترم ملا شراف الدین "مخلص"په وینا؛ د دغو سیالیو موخه د دواړو لورو ترمنځ د یوې ښې او سالمې فضا رامنځ ته کول وو، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي څو پرمټ یې روحي او جسمي روغتیا او سلامتیا ترلاسه کړي.
په ورته وخت کې، د هرات ولایت د زندان زندانیانو د یادو دوستانه سیالیو د برابرولو له امله مسوولینو څخه د مننې ترڅنګ ژمنه وکړله چې د زندان له خوا به په نورو جوړو شویو مثبتو پروګرامونو کې هم د تل په شان برخه واخلي.
د یادونې وړ ده، چې په یاد زندان کې د ښوونیزو، روزنیزو او حرفوي زده کړو سربېره زندانیانو ته د ورزش زمینه هم برابره شوې، څو زندانیان له خپلو انساني او شرعي حقوقو څخه برخمن شي.
بادغیس:
د بادغیس ولایت د زندان امر او مل پلاوي یې د دې ولایت د جوند، غورماچ او بلامرغاب ولسوالیو له توقیفخونو څخه لیدنه وکړله
د دغه ولایت د زندان امر محترم ملا سید باران "عدالتي"او مل پلاوي د نوموړي ولایت د جوند، غورماچ او بلامرغاب ولسوالیو له توقیفخونو څخه د لیدنې پرمهال د یادو توقیفخونو له مسوولینو سره پر اړوندو مسایلو خبرې اترې وکړې.
داراز، پلاوي د نوموړو ولسوالیو اداري او تخنیکي چارو د ارزونې ترڅنګ د توقیفخونو له توقیفیانو سره له نیږدې ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شریکې کړې، چې د پلاوي له لورې د هغوی دې غوښتنو ته د شرعي اصولو په رڼا کې د رسېدنې، د حقونو رعایتولو او ورته د لازمو اسانتیاوو د برابرولو ژمنه وشوه.
شعبان المعظم ۲۱/ ۱۴۴۷
د مقام د دفتر ریاست
د اطلاعاتو او عامه اړیکو امریت
