د زندانونو چارو د سمون ادارې يوه پلاوي د کندهار او زابل ولایتونو له زندانونو ارزونه وکړه
د زندانونو چارو د سمون ادارې د عمومي رئیس محترم الحاج مولوي محمدیوسف "مستري" په سپارښتنه، د دې ادارې د څارنې او ارزونې ریاست یو پلاوی کندهار او زابل ولایتونو ته په سفر ولاړ او هلته یې د نوموړو ولایتونو د (۱۴۰۴) لمریز کال د زندانونو تطبیقي او تفصیلي پلانونه وڅارل او وارزول.
داراز، پلاوي د یادو زندانونو ټولې اداري او تخنیکي چارې وارزولې، د زندانیانو د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او ژمنه یې ورسره وکړه، چې د زندانونو چارو د سمون ادارې رهبري به پرې خبروي، څو یې په مرکز کې ورته حللاره پیدا او په اړه یې مناسبه پرېکړه وکړي.
په پای کې، د نوموړي پلاوي له لورې د یادو زندانونو کارکوونکو ته د مربوطه کاري وړتیا د لوړونې په موخه د ربعوار او میاشتني راپورونو د چوکاټ تشرېح تر عنوان لاندې په جلا جلا توګه روزنیز سیمینارونه هم ترسره شول.
جمادي الثاني ۱۱/ ۱۴۴۷
د مقام د دفتر ریاست
د اطلاعاتو او عامه اړیکو امریت
