د زندانونو چارو د سمون ادارې عمومي رئیس د ا.ا.ا. په استازیتوب د(ICPA) ۲۷م نړیوال کنفرانس کې د ګډون په پار ترکیې هېواد ته سفر وکړ
دغه کنفرانس، چې د ترکیې په استانبول ښار کې جوړ شوی، د زندانونو چارو د سمون ادارې عمومي رئیس محترم الحاج مولوي محمد یوسف "مستري" او مل پلاوي په کې د سره صلیب نړیوالې کمېټې (ICRC) په همکارۍ ګډون کړی دی.
یاد کنفرانس کې به ګډونوالو ته د زندانونو د اصلاحاتو، د زندانونو د کارکوونکو د مسلکي وړتیا لوړونې د څرنګوالي، د زندانیانو د ښوونې او روزنې او هغوی ته د اسانتیاوو برابرولو د څرنګوالي په هکله معلومات ورکړل شي.
د یادونې ده، چې نوموړی کنفرانس د ۲۰۲۵ زېږدیز کال د اکټوبر په ۲۶مه پیل شوی او تر ۳۱مې نېټې پورې به دوام ولري.
په دې کنفرانس کې د افغانستان په شمول د ۸۵ بېلابېلو هېوادونو اړوند استازي برخه لري.
جمادي الاول ۷/ ۱۴۴۷
د مقام د دفتر ریاست
د اطلاعاتو او عامه اړیکو امریت
