د زندانونو چارو د سمون ادارې د کشف او اوپراتیفي رئیس د یوه پلاوي په مشرۍ د اروزګان ولایت له زندان لیدنه وکړه
د نوموړې ادارې د کشف او اوپراتيفي رئیس محترم مل پاسوال مولوي عبدالشکور "طیب" په مشرۍ پلاوي د یاد ولایت د زندان څخه د لیدنې پرمهال یې له اړوندو مسوولینو سره خبرې اترې وکړې او هغوی هم ورته له خپله اړخه د زندانیانو لپاره د برابرو شویو امکاناتو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لاښه والي لپاره لازمې لارښوونې وکړې.
داراز، د محترم مولوي طیب په مشرۍ پلاوي د نوموړي زندان ټولې اداري او تخنیکي چارې ارزولي او د زندانیانو د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او له هغوی سره یې ژمنه وکړله، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.
صفر المظفر ۱۳/ ۱۴۴۷
د مقام د دفتر ریاست
اطلاعاتو او عامه اړیکو امریت
