د میدان وردګ ولایت د زندان ملکي او نظامي پرسونل لپاره د ظرفیت لوړونې په موخه ۳ ورځینی سمینار پیل شو

دغه سمینار، چې د نوموړي زندان ملکي او نظامي پرسونل د پوهې او مهارتونو د لوړونې او مسلکي وړتیاوو د پیاوړتیا لپاره جوړ شوی، ګډونوالو ته به هر اړخیز معلومات ورکړل شي.

داراز، د یاد ولایت د زندان امر محترم مولوي محمد هاشم "حقاني" په وینا، یاد سمینار چې د تجربه لرونکو ښوونکو له خوا پیل شوی، د زندان ملکي او نظامي پرسونل لپاره په اداري چارو، د زندانیانو د ساتنې له هغوی سره چلند، د اعاشې‌، اباتې‌، زندانیانو د انتقال، د هغوی‌ د تسلیمولو‌ طریقه ‌او ورته د غوره اسانتیاوو برابرولو تر څنګ نور د اړتیا وړ مهم موضوعاتو  په اړه به معلومات ورکړل شي.

همدا شان، د یاد ولایت د زندان ملکي او نظامي پرسونل د زندان د مسوولینو څخه په مننې ژمنه وکړله، چې له ترلاسه کړو زده کړو او تجربو څخه په خپلو چارو کې ترې ګټه پورته کړي.

په پای کې، د سمینار ګډونوالو دغه ډول پروګرامونه د خپل مسلک پرمختګ لپاره ګتور یاد کړل او د ورته نورو  برنامو د دوام غوښتونکي شول.

د یو بل خبر له مخې، د بغلان ولایت د زندان امر محترم الحاج ملا نعمت الله " سراجي " د دې ولایت د استیناف محکمې له رئیس الحاج مولوي شمس الله "عزیزي" او مل پلاوي سره په خپل کاري دفتر کې ولیدل او د زندانیانو د محاکماتي چارو او دوسیو څېړلو په هکله یې ورسره خبرې اترې وکړې.

داراز، د استیناف محکمې رئیس په مشرۍ پلاوي د یاد ولایت د زندان له امر سره په کتنه کې، د زندانیانو محکماتي چارو پر چټکتیا او دواړو ادارو ترمنځ د همغږۍ پر زیاتوالي د ټینګار ترڅنګ یې د همکارۍ ډاډ ورکړ.

په ورته وخت کې، بغلان ولایت د زندان امر نوموړي پلاوي سره په خبرو کې وویل؛ چې د زندانیانو محکماتي چارو او دوسیو ته په وخت رسیدنه کیږي او په دې برخه کې ورته لازمې اسانتیاوې برابري کړي.

په پای کې، پلاوي د یاد ولایت د زندان له مسوولينو مننه وکړه، چې د زندانيانو هرې ستونزې ته يې پر وخت رسېدنه کړې.

صفر المظفر ۳/ ۱۴۴۷

د مقام د دفتر ریاست

د اطلاعاتو او عامه اړیکو امریت