د زندانونو چارو د سمون ادارې د نظامي مرستيال په مشرۍ یوه پلاوي د فاریاب ولایت له زندانه لیدنه وکړله
د دې ادارې نظامي چارو مرستیال محترم لوی پاسوال قاري حبیب الله "بدر" په داسې حال کې چې د نظامي معاونیت د ارکان رئیس محترم پاسوال الحاج اسدالله "مولانا"، د ښوونې او بیا روزنې رئیس محترم مولوي نظر محمد "ناصري"، د اقتصادي برنامو او ستراتېژیکو اړیکو رئیس محترم عبیدالله "اخلاص"، مالي او حسابي رئیس محترم حکمت "مشعل"، د کشف معاون، د شخصیتي دوسیو، مخابرې او اوپراسیون امرینو یې هم ملتیا کوله، د فاریاب د زندان له مسوولینو سره د زندان او زندانیانو د وضعیت په ځانګړې توګه د نظامي مسایلو په هکله خبرې اترې وکړې.
دغه راز، د ادارې نظامي مرستیال د نوموړي زندان له امنیتي پوستو، ټاورونو او قراولونو څخه څارنه وکړه او اړوندو مسوولینو ته یې د یادو برخو د لا خوندیتوب په موخه لازمې سپارښتنې وکړې.
د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" د نوموړي ولایت زندان د زندانیانو خونو ته ولاړ او هلته یې له بندیانو سره په کتنه کې، د هغوی خبرې او غوښتنې واورېدې او ورته یې له خپله اړخه د رسېدنې په موخه د ژمنې ترڅنګ، د دغه زندان مسوولینو ته هم لارښوونې وکړې.
داراز، د زندانونو چارو د سمون ادارې د نظامي مرستيال په مشرۍ پلاوي د دې زندان د پرسونل او زندانیانو لپاره د خوړو، اباتې، پخلنځي، صنعتي، کانتین او روغتیایې برخو وضعیت له نږدې وارزاوه او اړوندو مسوولینو ته یې د لا ښه تنظیم په موخه لازمې سپارښتنې وکړې.
د یادونې وړ ده، چې د زندانونو چارو د سمون اداره تل هڅه کوي، څو د یادې ادارې تر چتر لاندې زندانونو څارنه وکړي، مثبت فعالیتونه یې غښتلي او ستونزو یې پر وخت حل کړي.
محرم الحرام ۱۱/ ۱۴۴۷
د مقام د دفتر ریاست
د اطلاعاتو او عامه اړیکو امریت
