د زندانونو چارو د سمون ادارې د پالېسۍ او مسلکي چارو مرستیال په مشرۍ پلاوي د ادارې اړتیا وړ د تېلو څرنګوالي او لا ښه شفافیت په موخه ارزونه وکړله
د دغې ادارې د پالېسۍ او مسلکي چارو مرستیال محترم الحاج محمد کاظم "طارق" په مشرۍ پلاوي په داسې حال کې، چې د ادارې د خدماتو رئیس محترم مولوي سید ولي "عبد الله"، د عفوې او تخفیف فرامینو پلې کولو امر محترم مولوي شهید الله "خالد"، د پالېسۍ او مسلکي چارو معاونیت د دفتر امر محترم خلیل الله "بکتاش" او یو شمېر نورو مسوولینو یي هم ملتیا کوله، د زندانونو چارو د سمون ادارې په انګړ کې د تېلو څرنګوالي، د تخلې بهیر او ځاینونو څخه دلیدنې ترڅنګ په چارو کې د لاښې همغږۍ او نورو مهمو مسایلو په اړه خبرې وکړې.
دغه راز، د پالېسۍ او مسلکي چارو مرستیال محترم الحاج طارق په وينا، د ادارې اړوندو برخو له ارزونې څخه یې هدف د اصولو مطابق د چارو ښه پرمخ وړل، د اصلاحاتو راوستل، ستونزو او وړانديزونو ته په وخت رسېدنه ده.
ذوالحجة الحرام ۲۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
