د زندانونو چارو د سمون ادارې د ښوونې او بیا روزنې ریاست مسوولینو د تخنیکي او مسلکي زدهکړو ادارې له پلاوي سره ولیدل
د دغې ادارې د ښوونې او بیا روزنې رئیس محترم مولوي نظرمحمد "ناصري" په داسې حال کې چې د ادارې یو شمېر نورو مسوولینو هم شتون درلود د تخنیکي او مسلکي زدهکړو ادارې له پلاوي سره په خپل کاري دفتر کې ولیدل.
په دې لیدنه کې د ښوونې او بیا روزنې رئیس محترم مولوي ناصري د تخنیکي او مسلکي زده کړو د ادارې څخه د دوامدارې همکارۍ په موخه مننه وکړله او له راغلي پلاوي څخه یې د کابل ولایت د څرخي پله په مرکزي زندان او د ماشومانو د اصلاح او روزنې مرکز کې زندانیانو او محجوزینو لپاره د تخنیکي او مسلکي زده کړو او روزنو په موخه د همکارۍ غوښتنه وکړله.
په ورته وخت کې د تخنیکي او مسلکي زده کړو د ادارې د پلاوي له لوري ژمنه وشوه چې دوی به په نږدې راتلونکي کې د محبوسینو او محجوزینو لپاره د تخنیکي او مسلکي زدهکړو بیلابیل مواد او برنامې په لاره واچوي.
په پای کې د تخنیکي او مسلکي زده کړو د ادارې پلاوي د کابل ولایت د څرخي پله د مرکزي زندان له صنعتي مرکز څخه هم لیدنه وکړله او په اړوندو برخو کې یې د همکارۍ ډاډ ورکړ.
ذوالقعده ۱۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
