(۱۹۹) تنه افغان زندانیان له ایرانه افغانستان ته راولېږدول شول
د زندانونو چارو د سمون ادارې عمومي رئیس محترم الحاج مولوي محمد یوسف "مستري" د خپلو نه ستړې کېدونکو هلو ځلو په دوام، داځل نیمروز ته د خپل سفر په ترڅ کې د ایران اسلامي جمهوریت سره د افغان بندیانو د لېږد په هکله د هوکړې پر بنسټ، په داسې حال کې چې د نېمروز ولایت سمیه ییزو مسوولینو هم شتون درلود، (۱۹۹) تنه افغان زندانیان چې د بیلابیلو جرمونو په تور په دغه هېواد کې زندانیان وو، د نیمروز ولایت د ورېښمو پله له لارې د ا.ا.ا. د زندانونو چارو د سمون ادارې مسوولینو ته وسپارل شول.
داراز، محترم الحاج مولوي محمد یوسف مستري وویل: « د ایران اسلامي جمهوریت سره د خبرو اترو په پایله کې (۱۹۹) تنه زندانیان چې په دې هېواد کې د بیلابیلو جرمونو په تور نیول شوي وو، د نیمروز ولایت د ورېښمو پله له لارې د ا.ا.ا. ته سپارل شول.
همداراز، د زندانونو چارو د سمون ادارې عمومي رئیس زیاته کړله چې هېواد ته د زندانیانو د لیږد بهیر په دوام (۱۹۹) افغان زندانیان د ا.ا.ا. د زندانونو چارو د سمون ادارې ته وسپارل شول.
محترم مولوي محمد یوسف مستري زیاتوي د نوموړو زندانیانو له ډلې هر یو به خپلو ولایتونو ته انتقالېږي او د حبس ټاکل شوې موده به هلته تېروي او له هغه وروسته به خپلو کورنیو ته سپارل کېږي چې په دې موده کې د یادې ادارې له لوري ورته د ژوندانه ټولې اسانتیاوې، د دیني عصري او حرفوي زده کړې او نورې چوپړتیاوې برابرې شوي.
د یادولو وړ ده چې او تر دې دمخه هم د ایران اسلامي جمهوریت څخه ا.ا.ا. د زندانونو چارو د سمون ادارې ته یو شمېر زندانیان سپارل شوي و، چې د دې ادارې له لوري ورته د ژوندان ټول خدمتونه او د مناسب چاپېریال برابر شوی وو.
شوال المکرم ۲۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
