د کابل ولایت د څرخي پله د مرکزي زندان رئیس د یوناما دفتر له پلاوي سره وليدل
د زندانونو چارو د سمون ادارې د اقتصادي برنامو او ستراتیژیکو اړیکو رئیس محترم عبیدالله "اخلاص" په همغږۍ، د دغه ولایت د زندان رئیس محترم الحاج مولوي عبدالمالک "خاکسار" په افغانستان کې د ملګرو ملتونو سازمان د مرستندویه ماموریت "یوناما" د بشري حقونو د برخې له پلاوي سره ولیدل او د زندانیانو د ژوندانه د وضعیت، د هغوی د بشري حقونو د خوندیتوب او په نورو اړوندو موضوعاتو یې ورسره خبرې اترې وکړې.
داراز، د کابل ولایت د څرخي پله د مرکزي زندان رئیس محترم الحاج مولوي خاکسار یاد پلاوي څخه د زندانیانو لپاره د صحي، عاشوي، صنعتي او یو شمېر نورو برخو کې د همکارۍ غوښتنه وکړله چې د پلاوي له لوري ورته د رسېدنې ډاډ ورکړل شو.
دغه راز، پلاوي د نوموړي زندان له زندانیانو سره هم ولیدل او د هغوی لپاره یې د ښو خدماتو او اسانتیاوو د رامنځته کولو او د بشري حقونو د خوندیتوب په موخه یې د مسوولینو هڅې وستایلې.
رمضان المبارک ۲۶/ ۱۴۴۶
د مقام د دفتر ریاست
د اطلاعاتو اوعامه اړیکو امریت
