د زندانونو چارو د سمون ادارې د پالیسۍ او مسلکي چارو مرستیال د شخصیتي دوسیو امریت کړنې او راتلونکي پلانونه واورېدل
د زندانونو چارو د سمون ادارې د شخصیتي دوسیو امر محترم ډاکټر سیداقا "موسوي نژاد" د ادارې د پالیسۍ او مسلکي چارو مرستیال محترم الحاج محمد کاظم "طارق" سره راتلونکي پلانونه او د دې امریت اړوند کړنې شریکې کړې.
داراز، محترم الحاج طارق د زندانونو چارو د سمون ادارې د شخصیتي دوسیو امریت له کړنو خوښي و ښوده او د یاد امریت پلانونه یې ارزښتمن یاد کړل.
همداراز، د زندانونو چارو د سمون ادارې د پالیسۍ او مسلکي چارو مرستیال د یاد امریت مسوولینو ته لارښوونه وکړله چې د ادارې د کړنلارې مطابق او پروخت د زندانیانو شخصیتي دوسېو د ترتیبولو ترخوا خپلې اړوندې چارې د شرعي اصولو او نافذه قوانینو په رڼا کې ترسره کړي.
رمضان المبارک ۲۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
