ولایتي خبرونه (هرات، کنړ، میدان وردګ، غزني) د هرات ولایت د مرکزي زندان د ښوونیزو برخو څخه ۲۱۷ تنه زندانیان فارغ شول
د دې ولایت د زندان د ښوونیزو او روزنيزو برخو څخه ۲۱۷تنو نارینه او ښځینه محبوسین د دیني، عصري، حرفوي، زدهکړو بشپړولو سره د فراغت سندونه ترلاسه کړل.
په دې اړه جوړو شویو مراسمو کې چې د هرات ولایت د جزا دیوان محکمې رئیس محترم شیخ مولوي سخي داد «عابد» نوموړي زندان د ښوونې او بیا روزنې امر قاري نیک محمد «سیف العمر» او یو شمېر نورو مسوولینو ګډون درلود وویل، نوموړو زندانیانو چې د قرآن کریم حفظ، تجوید، حسن قرائت، خیاطۍ او مرۍ ګنډلو په برخو کې زده کړې ترلاسه کړې د فراغت سندونه ترلاسه کړل.
داراز، محترم قاري سیف العمر زیاته کړله چې د یاد شمېر زندانیانو له ډلې ممتاز زده کړیالان به له عفوې او تخفیف څخه هم برخمن شي.
همداراز، یادو دورو زده کړیالانو د زندان مسوولینو په مننې وویل چې د بند مودې پوره کېدو سره به له ترلاسه کړو زده کړو څخه په کټې اخیستنې سره خپلو کورنیو او ټولنې ته د خدمت جوګه شي.
د یاد ولایت د زندان مسوولین زیاتوي چې د زندان ماهول اوس زدهکړهییز شوی او زندانیان د بند مودې په تېرولو سره په زدهکړو سمبال او کورنیو سره د سالمو وګړو په توګه یوځای کیږي.
مسوولین زیاتوي هڅه کوي زندانیانو ته د دیني او عصري علومو ترڅنګ د حرفوي زده کړو برخه پراخه کړي چې په مټ به يې د جرمونو کچه نوره هم کمه شي.
د یادو مراسمو په پای کې، نوموړو فارغ شویو زندانیانو ته بري لیکونه هم ورکړل شول.
کنړ:
په ورته مهال د کنړ ولایت د زندان د ښوونیزو برنامو څخه ۴۸ زندانیان د دیني زده کړو څخه فارغ شول
په دې اړه جوړو شویو مراسمو کې د کنړ والي محترم مولوي قدرت الله «ابوحمزه» علماوو شورا د زندان امر محترم قاري فرهاد «نسیمي» او شمېر د زندان او سمیه ییزو مسوولینو ګډون درلود، ۴۸ تنه زندانیان د قرآن کریم د حفظ، ترجمې، تجوید، حدیث او تفسیر په برخو کې زده کړې کړې وې د فراغت سندونه ترلاسه کړل.
د کنړ د زندان امر د ښوونیزو برنامو اړوندو مسوولینو څخه مننه وکړه چی د زندانیانو داصلاح لپاره دارنګه پروګرامونه جوړوي څو په مټ یې سالم او د علم په ګاڼه سمبال وګړي ټولنې ته وړاندې کړي.
همداراز، کنړ والي محترم مولوي قدرت الله ابوحمزه د زندانیانو په اصلاح کې دا ډول ښوونیزې او روزنیزې برنامې ګټورې یادې کړې او د استادانو هڅونې په موخه یې د نوموړي زندان ۱۲ تنو استادانو ته پنځه پنځه زره افغانۍ د ډالۍ په توګه ورکړې.
په پای کې یاد مراسم فارغانو ته د سندونو په ورکړې او د خیر دعایې سره پای ته ورسېدل.
میدان وردګ:
د یو بل خبر له مخې، میدان وردګ ولایت د زندان مسوولینو د دې ولایت د سیداباد ولسوالۍ له توقیفخونې څخه ليدنه وکړله
د دغه ولایت د زندان نظامي مسوول په مشرۍ پلاوي د نوموړي ولایت د سیداباد ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو خبرې اترې وکړې.
داراز، پلاوي د دغې ولسوالۍ د توقیفخونې له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د حقونو رعایتولو او ورته د لازمو اسانتیاوو د برارولو ژمنه وشوه.
غزني:
بلخوا بیا، د غزني ولایت په زندان کې د دې ولایت د زندان پرسونل او زندانیانو په تراویحو کې د قرآن عظیم الشان ختم پای ته ورسېده
د غزنې زندان مسوولینو د یاد ختم په پای مراسمو کې د قرآن عظیم الشان د تلاوت د فضلت په اړه خبرې وکړې او قرآني زده کړې او تلاوت یې په ورځني ژوند کې برکت او اغیز ناک یاد کړ او له ګډونوالو څخه یې وغوښتل چې د دیني زده کړو په برخو کې خپلې هڅې له ګړندۍ څو په مټ يې دینوي او اخروي ګټې ترلاسه کړي.
رمضان البارک ۲۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
