د زندانونو چارو د سمون ادارې د نظامي مرستیال په مشرۍ پلاوي سرپل ولایت ته سفر وکړ
د زندانونو چارو د سمون ادارې نظامي مرستیال محترم لوی پاسوال قاري حبیب الله " بدر" په مشرۍ پلاوي د سرپل ولایت د زندان چارې له نږدې وارزولې.
د محترم لوی پاسوال قاري بدر په مشرۍ پلاوي د یاد زندان له مسوولینو سره هم ولیدل او نوموړو ته یې په خبرو کې د زندانیانو په لا ښې ساتنې او پالنې کې د نه سټړې کېدونکو هلو ځلو سپارښتنه وکړله.
داراز، د نظامي چارو مرستیال په مشرۍ پلاوي ، د دې ولایت د زندان له زندانیانو سره له نږدې ولیدل د هغوی غوښتنې یې واورېدې او د حل په موخه یې اړوندو مسوولینو ته لارښوونه وکړه څو یې ستونزو او غوښتنو ته په وخت رسېدنه وکړي.
همداراز، پلاوي د نوموړي زندان د پرسونل او زندانیانو د خوړو (اعاشې)، اباتې، پخلنځي، تعمیراتي او روغتیايي چارو وضعیت له نږدې وارزاوه او د ستونزو حلولو، لازمو اسانتیاوو برابرولو او روا غوښتنو ته د رسېدنې په موخه اړوندو مسوولینو ته لازمې لارښوونې وکړې.
همداشان، د نظامي چارو مرستیال په مشرۍ پلاوي د سرپل ولایت د زندان له امنیتي قراولونو، ټاورونو، او امنیتي پوستو څخه په جلا جلا توګه لیدنه وکړه او د زندانیانو د امنیت د لا ټینګښت په موخه یې امنیتي مسوولینو ته یولړ سپارښتنې هم وکړې.
رمضان المبارک ۱۹/ ۱۴۴۶
د مقام د دفتر ریاست
اطلاعاتو او عامه اړیکو امریت
