د بغلان ولایت له زندانه د زندانونو چارو د سمون ادارې د نظامي مرستیال لیدنه
د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" په مشرۍ یو پلاوی بغلان ته په سفر ولاړ.
د محترم قاري بدر په مشرۍ پلاوی د بغلان ولایت زندان ته لاړ، هلته یې د زندان امنیتي وضعیت له نږدې وارزاوه او د امنیت لا ښه والي لپاره یې اړوندو مسوولینو ته لازمې سپارښتنې وکړې.
داراز، پلاوي د دغه زندان له زندانیانو سره ولیدل او هغوی ورته د خپل حالت او د زندان د مسوولینو له خوا د مناسبو خدمتونو وړاندې کولو په اړه معلومات ورکړل او هم یې ځینې غوښتنې لرلې، چې د پلاوي له لورې ورته د اصولو سره سم د رسېدنې ژمنه وشوه.
دغه راز، پلاوي تر دې ليدنې وروسته د نوموړي زندان اداري او امنيتي وضعيت هم له نږدې وارزاوه او د امنیتي ټاورونو د څارلو ترڅنګ يې له امنیتي اړخه زیانمنونکي ځایونه په نښه او د هغو د امنیت لاښه ټینګښت لپاره یې د زندان مسوولينو ته لازمې لارښوونې وکړې.
د یادولو وړ بولو، چې د افغانستان د زندانونو چارو د سمون اداره غواړي، څو د مرکزي او ولایتي زندانونو او زندانیانو د وضعیت ارزولو، ستونزو حلولو، اسانتیاوو برابرولو او ښوونیزو پروګرامونو عملي کولو لپاره خپلو هڅو ته دوام ورکړي.
رمضان المبارک ۱۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
