د کابل ولایت د څرخي پله د مرکزي محبس رئیس د دې محبس له پرسونل سره ځانګړې ناسته ترسره کړله
د غه ناسته چې د کابل ولایت د څرخي پله د مرکزي محبس رئیس محترم مولوي عبدالمالک "خاکسار" په مشرۍ جوړه شوې وه، په کې د مرکزي محبس امنیتي مرستیال محترم مولوي سید محمد"مسلم" او یو شمېر نورو ملکي او نظامي مسوولینو هم ګډون درلود، د محبوسینو لپاره د غوره خدمتونو، ستونزو او غوښتنو ته د رسېدنې په موخه خبرې اترې وشوې.
دا راز، په یاده ناسته کې د محترم مولوي خاکسار له لوري نوموړو ته د روژې مبارکې میاشتې په رارسېدو سره له محبوسینو او مراجعینو سره د لاښه چلند، امنيتي تدابیرو نیولو، منظمو خدمتونو، او چاپېریال برابرولو په موخه لازمې لارښوونې وشوې
همدا شان، په دې ناسته کې د ځینو نورو اړتیاوو په هکله هم بحث وشو او په دې تړاو اړوندو مسوولینو ته د شرعي اصولو سره سمې سپارښتنې وشوې.
رمضان المبارک ۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
