د زندانونو چارو د سمون ادارې عمومي رئیس د مرکز کابل او (۳۳) ولایتونو د زندانونو رئیسانو، امرینو او نظامي مدیرانو ته د زندانونو د رهبرۍ، اداري نظم او د زندانیانو د سالمې ساتنې او پوهاوي لوړونې په موخه د سمیناره له روان بهیره لیدنه وکړله.
د دغې ادارې عمومي رئیس محترم الحاج مولوي محمد یوسف "مستري" نن (پنجشنبې) په داسې حال کې چې د ادارې د مقام د دفتر رئیس محترم قاري رحمت الله "ګلزاد" او د مرکز ولایتونو یو شمېر رئیسانو، امرینو او د نظامي برخې مسوولینو شتون درلود د یاد سمینار څخه د لیدنې په ترڅ کې ګډونوالو ته په خپلو خبرو کې وویل چې هم خپله او هم تر لاس لاندې پرسونل خپلو مسوولیتونو ته متوجه کړئ څو په اداري چارو کې نیمګړتیاوې حل او لا ښه کاري چاپېریال رامنځته ته شي.
داراز، نوموړي زیاته کړله چې د زندانیانو ساتنه او پالنه زموږ مسوولیت دی نو په خپلو اړوند زندانونو کې لا نور هم د هغوی د انساني او شرعي حقوقونو درناوی وکړئ او له هغوی سره خپل چلند لا نور هم ښه کړئ.
همداراز، محترم الحاج مولوي مستري د یاد سمینار له ښوونکو څخه و غوښتل چې ګډونوالو مسوولینو ته د اسلامي نافذه قوانینو په رڼا کې داسې ښوونه ورکړئ چې نوموړي وکولای شي چارې د اسلامي شریعت په رڼا کې په روڼه توګه مخ ته یوسي.
په پای کې د یاد سمینار ګډونوالو د زندانونو چارو د سمون ادارې له عمومي رئیس څخه د ورته سمینارونو د جوړولو په موخه خوښي وښوده او ژمنه یې وکړله چې ټولې لارښوونې به په سمه توګه عملي کړي.
شعبان المعظم ۱۴/ ۱۴۴۶
د مقام د دفتر ریاست
د اطلاعاتو او عامه اړیکو امریت
