د کابل ولایت د څرخي پله له مرکزي زندان څخه (۷۰) تنه زندانیان خوشې او (۷۵) تنو ته د بند په موده کې تخفیف ورکړل شو
د عالیقدر امیرالمؤمنین شیخ القرآن والحدیث مولوي هبة الله "اخندزاده"(حفظه الله) د شفقت او مهربانۍ له مخې د سزا د عفوې او تخفیف د فرمان او د سترې محکمې د حکم په اساس د کابل ولایت د څرخي پله له مرکزي زندان څخه د نارینوو او ښځینوو په ګډون (۷۰)تنو ته عفوه او (۷۵) تنو ته چې په دیني او عصري زده کړو کې یې برخه اخیستې او ښه ځلیدلي وو له تخفیف څخه برخمن شول.
د دې ادارې د فرامینو د تطبیق امر محترم مولوی شهید الله "خالد"، د دوی د ازادېدو له امله مبارکي وویله او له هغوی یې وغوښتل، څو په راتلونکې کې داسې اعمال ترسره نه کړي چې د اسلامي شریعت او افغاني ټولنې د اصولو خلاف وي.
د زندانونو چارو د سمون اداره ژمنه ده، چې د عفوې او تخیف په اړه فرمانونه په پوره امانتولۍ او روڼه توګه پلي کړي.
رجب المرجب ۲۵/ ۱۴۴۶
د مقام د دفتر ریاست
د اطلاعاتو او عامه اړیکو امریت
