د زندانونو چارو د سمون ادارې د بشري سرچېنو ریاست د مسوولینو له لورې د میدان وردګ ولایت د زندان ملکي پرسونل ته د ظرفیت لوړونې په موخه درې ورځینی سمینار پای ته ورسېد
ولایتي خبرونه (میدان وردګ، ننګرهار)
د زندانونو چارو د سمون ادارې د بشري سرچېنو ریاست د مسوولینو له لورې د میدان وردګ ولایت د زندان ملکي پرسونل ته د ظرفیت لوړونې په موخه درې ورځینی سمینار پای ته ورسېد
د نوموړې ادارې د بشري سرچېنو ریاست د مسوولینو له لورې د میدان وردګ ولایت د زندان ملکي پرسونل ته د ظرفیت لوړونې، مدیریتي چارو، سوانحو او د ګمارنې په برخه کې ورته هراړخیز معلومات ورکړل شول.
داراز، د یاد ولایت د زندان مسوولینو دا ډول سمینارونه د کارکوونکو د کاري وړتیا لوړونې په هدف مهم وګڼل او له یاد ریاست له مسوولینو څخه یې د ورته نورو ګټورو پروګرامونو د پلي کولو غوښتنه وکړه او له ګډونوالو څخه یې وغښتل چې د ترلاسه کړو زده کړو څخه په خپلو چارو کې ښه ګټه واخلي څو په کاري چارو کې ېې نیمګړتیاوو ته د پای ټکۍ کېښودل شي.
د یو بل خبر له مخې، د ننګرهار ولایت د ماشومانو د اصلاح او روزنې په مرکز کې د جلدي ښارښت (سکبیس) ناروغۍ د مخنوي په موخه د یاد مرکز په محجوزینو درمل وویشل.
د دې ولایت د ماشومانو د اصلاح او روزنې مرکز مسوولینو د یاد مرکز له محجوزینو څخه وغوښتل چې د دغې ساري ناروغۍ د مخنوي په موخه پاکوالي ته جدي پاملرنه او په دې ناروغۍ د اخته کسانو څخه ځانونه لرې وساتي .
ربیع الاول ۲۲/ ۱۴۴۶
دمقام د دفتر ریاست
د اطلاعاتو او عامه اړیکو امریت
