ولایتي خبرونه( بادغیس-بغلان) د بادغیس والي او مل پلاوي يې د دې ولایت له مرکزي زندانه لیدنه وکړه
د بادغیس ولایت والي محترم ملا عبدالصمد"جاوېد" په داسې حال کې چې د دې ولایت د عدلي او قضايی اورګانونو پلاوو یې هم ملتیا کوله تېره ورځ د نوموړي زندان له امر محترم ملا سید باران "عدالتي" او نورو مسوولینو سره ولیدل او پر یو لړ اړوندو موضوعګانو یې خبرې اترې وکړې.
داراز، پلاوي د بادغیس ولایت له زندانیانو سره هم وکتل، د هغوی ستونزې او غوښتنې یې له نږدې واورېدې او تر خپلې وسې او ولایتي کچې یې د زندان له مسوولینو سره د دوی د غوښتنو د رسېدنې په موخه د همکارۍ ډاډ ورکړ.
د یو بل خبر له مخې، د بغلان ولایت د زندان مسوولین زیاتوي، تېره ورځ یې په یاد زندان کې د ورزش مینه والو زندانیانو او پرسونل د ټېمونو ترمنځ دوستانه سیالۍ ترسره شوې.
نوموړو مسوولینو په وینا دغو سیالیو موخه د دواړو لورو ترمنځ د یوې ښې سالیمې فضا رامنځ ته کول وو، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي او پرمټ یې روحي او جسمي روغتیا او سلامتیا ترلاسه کړي.
په ورته وخت کې، د بغلان ولایت د زندان زندانیانو د یادو دوستانه سیالیو د برابرولو له امله مسوولینو څخه مننې ترڅنګ ژمنه وکړه چې د زندان له خوا به په نورو جوړو شویو مثبتو پروګرانونو کې هم د تل په شان برخه واخلي.
محرم الحرام ۲۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
