ولایتي خبرونه: (غزني، ننګرهار، بامیان، پکتیکا) د غزني ولایت زندان د ملکي او نظامي پرسونل لپاره دقرآن کریم د تفسیر دوره چې شاوخوا ۴۰ ورځې وړاندې پیل شوې وه، تېره ورځ پايته ورسېده.
د دې ولایت د زندان رئیس محترم قاري عبدالغني "عادل" په دې اړه د جوړو شويو مراسمو پرمهال نوموړې دوره د پرسونل د هڅونې په موخه ګټوره وبلله او ګډونوالو ته یې په خطاب کې وویل، « دا مو د دنیا او اخرت ګټه ده، چې په کې ګډون یې تاسو ته قرآني علم او معنوي عزت دربخښي».
داراز، هغه ژمنه وکړه چې د نوموړي پرسونل د دیني پوهې او کاري وړتیا لوړاوي لپاره به په راتلونکې کې نور ښه پروګرامونه هم پلي کړي.
ننګرهار، بامیان:
د یو بل خبر له مخې، د روژې د مبارکې میاشتې په مناسبت د ننګرهار او بامیانو ولایتونو په زندانونو کې د قرآن عظیم الشان د ختمونو او د تفسیر د دورې د پایته رسېدو مراسم ترسره شول.
د یادو ولایتونو د مسوولینو په وینا په دې مراسمو کې د هېواد د لاښه امنیت، سولې، سوکالۍ، پرمختګ او یووالي لپاره د خیر دعاوې وشوې.
پکتیکا:
بل لورې بیا د پکتیکا ولایت د زندان مسوولین وايي، د کوچنې اختر له رارسېدو سره سم یې د دې ولایت د محبس او د ماشومانو د اصلاح او روزنې مرکز د ودانیو خونې پاکې او رنګ کړې.
رمضان المبارک ۲۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
