ولایتي خبرونه (غزني_ میدان وردګ) د غزني ولایت د استیناف محکمې رئیس د یاد ولایت له زندانه لیدنه وکړه
د غزني ولایت د زندان رئیس محترم قاري عبدالغني "عادل" تېره ورځ د دغه ولایت د استیناف محکمې له رئیس محترم مفتي عبدالرحمن"عزیزي" او مل پلاوي سره په خپل کاري دفتر کې ولیدل او د زندانیانو د محاکماتي چارو او دوسیو څېړلو په هکله یې ورسره خبرې اترې وکړې.
داراز، پلاوي د غزني ولایت له زندانیانو سره هم له نږدې ليدلي د هغوی ستونزې او غوښتنې یې اورېدلي، چې زندانیانو د پلاوي په ورتګ خوښي څرګنده کړه او د خپلو جرمي دوسیو د ژر څېړلو غوښتنه يې ترې وکړه.
په ورته وخت کې، د دې ولایت د استیناف محکمې رئیس محترم مولوي عبدالسلام په مشرۍ پلاوي زندانیانو ته ډاډ ورکړ چې دوی به یې د جرمي دوسیو په برخه کې خپلو چارو ته لانوره هم چټکتیا ورکړي.
د یو بل خبر له مخې، دمیدان وردګ ولایت د زندان امر او مل پلاوي یې د دې ولایت د سیداباد او چک ولسوالیو له توقیفخونو څخه د لیدنې پرمهال د یادو توقیفخونو له مسوولینو سره په اړوندو مسایلو خبرې اترې وکړې.
همدا راز، پلاوي د نوموړو ولسوالیو د توقیفخونو له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ، د خپلو جرمي دوسیو د ژر څېړلو غوښتنه وکړه، چې د پلاوي له لورې د هغوی دې غوښتنې ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.
رجب المرجب ۲۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
