د زندانونو چارو د سمون ادارې عمومي رئیس د دې ادارې د وسایطو د ترمیم له تخنیکي ورکشاپ څخه ليدنه وکړه
محترم مولوي محمد یوسف "مستري" د یادې ادارې د مقام د دفتر د رئیس محترم عبیدالله "اخلاص"، د کورني تفتیش رئیس محترم مولوي فضل احمد "احمدي"او شمېر نورو مسوولینو په ملتیا د دې لیدنه پرمهال، په نوموړي ورکشاپ کې د وسایطو د ترمیم د څرنګوالي په اړه له اړوندو مسوولینو او تخنیکي او فني کارکوونکو سره خبرې وکړې، د هغوی ستونزې او غوښتنې یې واوریدې او د حل په موخه یې اړوندو مسوولینو ته لازمې سپارښتنې وکړې.
دا راز، محترم مولوي محمد یوسف "مستري" زیاته کړه، د دې ورکشاپ کارکوونکي باید د ادارې د وسایطو د ترمیم لپاره خپلې هڅې لا ګړندۍ کړي، څو په ټرانسپورټي برخه کې خنډ رامنځته نه شي او چارو ته پروخت رسېدنه وشي او له لږو امکاناتو څخه ډېره ګټه پورته شي، چې نوموړو کارکوونکو د ادارې عمومي رئیس ته پر یادو لارښوونو د عمل کولو ژمنه وکړه.
رجب المرجب – ۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
