د بادغیس ولایت د زندان امر او مل پلاوي د دې ولایت د بالا مرغاب ولسوالۍ له توقیفخونې څخه ليدنه وکړه
د زندانونو چارو د سمون ادارې د عمومي رئیس محترم مولوي محمدیوسف"مستري" په سپارښتنه د بادغیس ولایت د زندان امر ملا سید باران "عدالتي" او مل پلاوي د دې ولایت بالا مرغاب ولسوالۍ ته په سفر لاړ او هلته یې د توقیفخونې له مسوولینو سره د توقیفیانو لپاره د اسانتیاوو رامنځ ته کولو په موخه خبرې وکړې.
پلاوي د نوموړې توقیفخونې د خوړو(اعاشې)، اباتې، پخلنځی، برېښنا او بېلا بېلې تعمیراتي او روغتیايي چارې، امنیتي ټاورونه، قراولونه او امنیتي پوستې په جلا جلا توګه وارزولې او د شتو ستونزو د حل لپاره یې اړوندو مسوولینو ته لازمې سپارښتنې وکړې.
داراز، پلاوي د یادې ولسوالۍ له ملکي او نظامي مسوولینو سره هم ولیدل او د توقیفخونې د امنیتي وضعیت په اړه یې ورسره خبرې وکړې چې د نوموړو له لوري ورته په دې برخه کې د پوره همکارۍ ډاډ ورکړل شو.
د یو بل خبر له مخې د پکتیکا ولایت د زندان عمومي چاپېریال د ښځلو او له کاره لویدلو توکو څخه پاک شو
د یاد زندان مسولینو په وینا، یاده چاره یې د زندانیانو او پرسونل د روغتیا ساتنې او د چاپېریال پاکوالي په موخه ترسره کړې او هغه توکي چې له کاره لویدلي وو په یوه خوندي ځای کې ځای پرځای کړي دي.
جمادي الاول ۱۱/ ۱۴۴۵
د مقام د دفتر ریاست
د اطلاعاتو او عامه اړیکو امریت
