زندانونو چارو د سمون ادارې د تفتېش رئیس په مشرۍ پلاوي د بغلان ولایت له زندان لیدنه وکړه
د زندانونو چارو د سمون ادارې د داخلي تفتېش رئیس محترم مولوي فضل احمد " احمدي" په داسې حال کې چې د دې ولایت د علماوو شورا رئیس محترم شیخ عبدالحی د یاد زندان امر محترم مولوي سېدولي "عبدالله" او یو شمېر نورو مسوولینو شتون درلود، لومړي د دې ولایت په زندان کې د ا.ا.ا. پېژندنې سیالۍ ممتازو زنداني ګډونوالو لپاره په جوړه شوې ستاینغونډه کې چې د یاد زندان د مسوولینو له لوري جوړه او څو ورځې د مخه له یو شمېر زنداني ګډونوالو څخه د ارزونې په موخه ازموینه اخیستل شوې وه، په ممتازو ګډونوالو یې د ستاینې ترڅنګ ډالۍ ووېشلې.
داراز، د یاد زندان د مسوولینو په وینا د دغې سیالۍ موخه د دولت او رعیت تر منځ د واټن ختمول او د زندانیانو سالمه بوختیا ده.
همداشان، د زندانونو چارو د سمون ادارې د داخلي تفتېش رئیس د نوموړي زندان له زندانیانو سره هم له نږدې ولیدل، د هغوی ستونزې او غوښتنې یې واورېدې او د رسېدنې په موخه یې د یاد مرکز مسوولین متوجه کړل.
همداراز، پلاوي د دې زندان د ټولو تخنیکي او اداري برخو ترڅنګ د زندانیانو لپاره د خوړو (اعاشې)، اباتې، پخلنځي او روغتیايي چارو وضعیت له نږدې وارزاوه او د شتو نیمګړتیاوو د بشپړولو او حل ترڅنګ یې د هغوی د نظافت په پام کې نیولو او د لاښو چوپړتیاوو برابرولو په موخه اړوندو مسولینو ته د پام وړ لارښونې وکړې.
جمادي الاول ۵/ ۱۴۴۶
د مقام د دفتر ریاست
اطلاعاتو او عامه اړیکو امریت
